--Ads--
Nagpirman ti affidavit ti sangapulo kadagiti 18 a sigud a miyembro ti Philippine Marines ken tao ni sigud nga Ako Bicol Partylist Representative Zaldy.
Daytoy ket kalpasan iti one-on-one interview dagitoy idiay National Bureau of Investigastion (NBI).
Ti nasao nga interview ket paset iti imbetstigasyon ti National Bureau of Investigation iti akusasyon dagitoy a panangideliverda iti maleta ti kwarta kadagiti sumagmamano nga opisyales ti gobyerno.
Impakaamo met ti abogado dagiti ex-marines a ni Atty. Levi Baligod, nagpirma dagiti sangapulo iti affidavit ngem saan paylaeng daytoy a nasapataan.
Innayonna nga ururayenda metlaengen ti panang-awag ti NBI kadagiti nabatbati pay a walo nga indibidwal. //BomboKCS
