Personal a simmuko ti kontraktor a ni Sarah Discaya iti National Bureau of Investigation (NBI) idi Disiembre 09, 2025.
Kasaruno daytoy iti inwaragawag ni President Ferdinand Marcos Jr. a posible a mairaur ita a lawas ti arrest warrant kontra kenkuana gapu iti naanomalyaan a flood control projects.
Simmangpet ni Discaya iti NBI headquarters sadiay Pasay.
Sigun iti spokesman ken legal counsel dagiti Discaya a ni Cornelio Samaniego III, personal a simmuro ni Sarah iti NBI iti baet nga awan paylaeng ti naipaulog nga arrest warrant.
Innayon ni Samaniego nga agingga nga awan paylaeng ti arrest warrant, saan a maikabil ni Sarah iti voluntary custody of the court.
Kabayatanna, agtaltalinaed a nakabalud ti asawana a ni Curlee Discaya iti Senado kalpasan a nacite in contempt.
Maipalagip a kiddaw dagiti Discaya nga agserbida kas state witnesses.
Nupay kasta, inlaksid ti Office of the Ombudsman ti posibilidad ken kinukunada a ti lebel ti pannakairamanda iti krimen ti rason a saanda a maikari.
