photo grabbed from Cpsc Kasangga Mo’s FB account
BAGUIO CITY – Naipatungpal ti saritaan-kapia iti nagbaetan dagiti panakabagi dagiti tribu sadiay Kalinga nga adda ditoy siudad ti Baguio ken iti probinsya ti Benguet.
Iti naangay a taripnong dagitoy idi rabii ket naisayangkat met laeng ti ‘sipat’ wenno panagsinnukat iti armas dagiti panakabagi dagiti tribu ti Tinglayan ken Tulgao.
Daytoy ket paset pay laeng ti seremonya para iti Bodong wenno peace pact.
Sigun iti pulisya, naipatungpal ti nasao a saritaan-kapia tapnu maliklikan ti panagwaras ti nasao a susik ditoy siudad ken iti probinsya ti Benguet.
Maipalagip a nangipatulod iti kanayunan a pwersa ti Cordillera PNP sadiay Tinglayan, Kalinga kasaruno ti itataud ti tribal war wenno tribal conflict iti nagbaetan dagiti dua a tribu gapu iti boundary dispute.
Iti napasamak a rinnupak iti nagbaetan dagitoy ket dua a kameng ti tribu ti Tinglayan ti nadangran.
