BAGUIO CITY – Impannakkel ti Benguet National High School (NHS) sadiay La Trinidad, Benguet ti programa dagitoy nga “Say Ayshi Ma-onod Program” wenno Walang Maiiwan Program para kadagiti estudyante dagitoy ita a manarimaan paylaeng ti distance learning para iti school year 2020-2021.
Sigun kenni Benguet NHS Principal Nestor Dalay-on, panggep ti programa a tulongan dagiti estudyante a makapasa kadagiti amin a subject dagitoy nangruna dagiti marigrigatan iti baro a wagas ti panagadal.
Kinunana a saksakupen ti programa ti agtultuloy a panakaiwaras dagiti modules dagiti estudyante nangruna dagiti saan a naala a modules.
Iinnayonna nga adda ti grupo dagiti mannursuroda nga agturturong a mismo kadagiti babbalay dagiti estudyanteda nangruna dagiti marigrigatan iti leksion tapnu matulongan dagitoy.
Impanamnama pay ti prinsipal nga aramidenda ti amin a kabaelanda tapnu makapasa amin dagiti estudyanteda iti baet dagiti karit iti agdama a distance learning, pakairamanan ti panangitedda iti konsiderasyon kadagiti maladaw a mangisumitir iti modules.
Namuan nga ita ket nasurok 4,400 ti estudyante ti Benguet NHS.
