--Ads--
BAGUIO CITY – Inyunay-unay ni Baguio City Councilor ken ABC President Rocky Aliping a palso a damag ti agwarwaras a maitantan ti Barangay and Sangguniang Kabataan Elections (BSKE) gapu iti mapaspasaran a krisis.
Sigun kenkuana, tuloy ti eleksion kas maibasar iti mandato ti Commission on Elections ( COMELEC).
Inlawlawag ti opisial a matuloy agsipudta, napondoan, ken addan ti pangngeddeng ti korte suprema a maiparit ti pannakaitantan ti Barangay elections.
Nupay kasta, kinunana a saan a masinunuo no agingga ti kinapaut ti krisis.
Iti baet dayta, impettengna a secondary laeng kadakuada kas Barangay Officials ti nasao nga eleksyon.//mp4
