Imbasura ti Korte Suprema ti petision ti Duterte Youth party-list a nagkiddaw a lapdan ti Commission on Election (COMELEC) iti panagkanselar ti registration daytoy.
Sigun iti Supreme Court, nagkedkedda kadagiti kiddaw ti nasao a partylist para iti temporary restraining order, writ of preliminary injunction ken status quo ante order.
Adda laengen ti sangapulo nga aldaw ti COMELEC a mangisubmitir iti komento ti petisyon ti Duterte Youth.
Maipalagip a nangisubmitir ti nasao a partylist iti Korte Suprema gapu iti panangkuwestunar ti resolusion ti COMELEC.
Ti maysa a resolusion ket inruar ti Second Division idi Hunio 18 nu sadinno, nakanselar ti registration daytoy ket ti maysa met ket inruar ti Comelec en banc idi Agosto 29 a mangibasbasura iti motion for reconsideration ti Duterte Youth.
Ibilbilang met ti Duterte Youth a ti ruling dagitoy ket maibilang a grave abuse of discretion.
Nakaala ti nasaa a grupo ti tallo a puesto kalpasan a nakagun-odda ti 2.3 milion a botos idi napalabas a Mayo 2025 elections.
