Sinupurtaran dagiti senator-judges iti majority bloc ti pannakaisayangkat ti afternoon hearings para iti impeachment trial ni Vice President Sara.
Sigun kenni Senator Panfilo Lacson, mangrugi a maisayangkat ti panagdengngeg iti 2:30 p.m intun sumaruno a bulan.
Inlawlawag ni Lacson a kaaduan kadagiti senator-judges ti nangisingasing a maiyakar ti legislative sessions manipud 10 a.m. iti 2 p.m bayat a ti impeachment trial ket maiyakar met iti 2:30 p.m agingga 7:30 p.m wenno mailaylayun pay.
Manamnama a maipinal ti naisingasing nga schedule iti caucus dagiti senador intun sumaruno a lawas.
Maipakonsulta metlaeng daytoy kadagiti Senador a miembero ti minority bloc.
Posible a maiwaragawag ti pinal ken baru nga schedule ti impeachment hearing intun Agosto 26, 2026.