Idurduron ti National Center for Mental Health (NCMH) ti school caravan tapno marisut dagiti mental health problems dagiti agtutubo iti tengnga dagiti makapadanag nga insidente ti kinaranggas iti pagadalan.
Sigun kenni NCMH medical center chief Dr. Noel Reyes, maipamaysa ti aktibidad iti mental health promotion dagiti estudyante, nagannak ken mannursuro.
Impeksa ni Reyes a nakasagan dagitoy mangisayangkat iti school tours tapno maitandudo ti mental health awareness ken mapasayaat ti mental health literacy ti pagilian.
Inyunay-unay ni Reyes ti kinapateg ti mental health awareness kadagiti estudyante, agraman ti natalged ken nasayaat nga aglawlaw ti pagadalan, anti-bullying programs ken responsible digital citizenship.
Iti sidong ti Mental Health Act, nabilin ti NCMH a mangpapigsa kadagiti community health programs iti pagilian.