BAGUIO CITY – Agtultuloy ti search operation nga ipatpatungpal ti Pinukpuk Municipal Police Station ken dadduma pay nga ahensia iti 10-anyos nga ubing nga mapukpukaw kalpasan a maatap a nalmes iti Saltan River sadiay Pinukpuk, Kalinga idi June 6, 2022.
Immunan a nabigbig ti biktima a ni Jake Bacaya, agtawen iti 10 ken residente ti Brookside, Taga, Pinukpuk.
Iti interview ti Bombo Radyo Baguio iti Pinukpuk MPS, imbinglayda a nagawid ti ubing iti pagtaenganda agarup 4PM ti Hunyo 6 ngem naklaatda nga awan pay daytoy agarup 5PM idi simmangpet ti amana manipod iti trabaho.
Dagusda nga biniruk ti ubing ngem nasarakan ti kabagyanda ti maysa kadagiti tsinelas ti biktima iti aside ti nasao nga karayan.
Gapu iti daytoy, atapen ti pamilya ti biktima a nagturong ti ubing iti Saltan River tapnu agdigus.
Iti agdama ket agtultuloy ti search operation dagiti otoridad iti paset ti Saltan River ken paturong iti Chico River.
