Nangisayangkat iti search and rescue operation dagiti owtoridad kalpasan iti maysa manen a flash flood sadiay Grand Canyon, Arizona a nangitunda iti pannakapukaw iti nasurok 20 nga indibidual.
Napasamak ti insidente kalpasan iti napigsa a panagtudo iti nasao a lugar a nangitunda iti pannakaperdi dagiti footbridge, rason iti pannakaserra ti Phantom Ranch, Bright Angel Campground, ken North Kaibab Trail.
Nasurok a 60 a hikers ken residente ti sitatalged a naisalakan ken naipan iti air evacuation manipud iti naapektaran a lugar babaen ti tulong iti National Park Service ken ti Arizona Department of Public Safety.
Agtultuloy met iti pannakakiordinar dagiti otoridad iti American Red Cross tapno maikkan iti tulong dagiti pamilya a naapektaran bayat nga agtultuloy iti panagbirok dagiti mapukpukaw nga indibidual.
Iti agdama, bambantayan dagiti sumagmamano a parte iti Arizona gapu payleang iti agtultuloy a panagtudo iti nasao a lugar nga addaan posibilidad a mangitunda iti panaglayus ken panagregaay iti daga.// via Bombo Khey Reparip
