Manarimaan ti panangsapul dagiti umili iti maysa a lalaki a maatap a naiyanod iti karayan idiay Alem, Sagubo, Kapangan, Benguet.
Ti biktima ket ni Lary Baydangan, residente iti nasao metlaeng a lugar.
Iti interview ti Bombo Radyo, kinuna ni PCapt. George Cupido ti Kapangan Municipal Police Station, agsagsaganadan tapno makitinnulongda iti pannakabiruk ti naiyanod a lalaki agsipud ta kairepreport laeng ti nasao nga insidente kadakuada.
Dinakamat ni PCapt. Cupido a napasamak ti insidente itay alas dies ti agsapa.
Kinunana a maatap a nalmes ti biktima a nangitunda iti pannakaiyanodna.
Sigun pay kenni PCapt. Cupido, napan nagkalap ti biktima iti paset ti amburayan river idi napasamak ti insidente.
Agkidkiddaw met ita dagiti maseknan a pamilya iti tulong tapno dagus a mabirukan ti biktima.
