Manarimaan paylaeng ti search and rescue operation iti naiyanod nga 60 years old iti Chico River idiay Barangay Tocucan, Bontoc, Mountain Province, ita nga aldaw.
Gapu iti daytoy, dagus metteng a naideploy dagiti miembro ti Incident Management Team (IMT), dagiti otoridad manipud iti Bontoc Emergency Operations Center (EOC) ken dadduma pay a maseknan nga opisina sadiay.
Ti biktima ket nabigbig a ni Francis Angel, agtawen iti innem a pulo ket.
Maibasar iti inisyal nga imbistigasyon dagiti otoridad sadiay, maatap a naiyanod ti biktima iti Chico River partikular iti paset ti Sabanglayaan area idiay Losad, Sabangan ita nga aldaw.
Dagus metlaeng nga inreport daytoy ti Sabangan Emergency Operations Center kadagiti kabangibangda a lugar para iti dagus a pannakabiruk iti biktima.
Kabayatanna, kidkiddawen met ni Bontoc Mayor Jerome Chagsen B. Tudlong, Jr., iti publiko ti kararag dagitoy para iti dagus a pannakabiruk iti nadakamat a biktima.