Agtultuloy ti search and rescue operations dagiti otoridad para iti panakasarak iti 14-anyos a nalmes iti Bayudan River sadiay Bugnay, Supang, Sabangan, Mountain Province.
Ditoy a naipakita ti “Spirit of Og-ogfo” wenno ti panagkaykaysa dagiti residente ken dagiti opisyales para iti maipatpatungpal a rescue operation.
Adda metten ti naideploy a personnel iti intersection ti Chico river ken Betwagan river para iti nasao nga operasyon.
Mangnamnama met dagiti otoridad ken ti pamilya ti biktima a masarakan daytoy iti kabiitan a panawen.
Maipalagip a ti biktima a ni Juneil Crey Liwaliw Bagwan ken daytoy ket naiyanod idi ngudo ti napalabas a bulan.
Kabayatanna, mapalpalagipan dagiti residente nga agbalin dagitoy a naridam nangruna kadagiti asideg ti karayan.
