Agtultuloy latta ti search and rescue operation dagiti otoridad iti nalned ken mapukpukaw nga ubing a lalaki nga agtawen ti tallo idiay Barangay Mataguisi, Pudtol, Apayao.
Napasamak ti insidente idi paylaeng aldaw ti Domingo, Marso 9, iti oras ti alas siete ti malem, ken agingga ita ket saan paylaeng a nasarakan.
Iti interview ti Bombo Radyo iti maysa kadagiti kameng ti Pudtol Municipal Police Station, kinunana nga agballasiw kuma ti agassawa kaduada ti anakda paturong iti maysa a “field” tapno makipagtrabaho ngem daksangsagasat ta nalned ti ubing.
Saan metten a nadakamat ti nagan dagiti agasaawa, kasta metten ti ubing.
Idi laeng Domingo, agpapakaasi ti tatang iti publiko iti panagsapul ti anakna a mapukpukaw kadagiti amin a karayan a posible a nakaiyanudan daytoy.
Kabayatanna, karaman kadagiti agsapsapul iti nasao nga ubing ket dagiti kameng ti Bureau of Fire Protection (BFP), Municipal Disaster Risk Reduction and Management Office (MDRRMO), Philippine National Police, dagiti umili sadiay, kasta metten dagiti dadduma pay nga ahensia manipod iti kaaruba a munisipyu
