Agtultuloy ti search and rescue operations nga isaysayangkat ti Guyana rescue operation teams, kalpasan a limned ti maysa a barko a nagluganan ti agarup 116 a pasahero ken crew sadiay South America idi Sabado, July 18, 2026.
Nagtaud ti MV Barima iti Georgetown ken paturong iti Port Kaituma sadiay northern South America idi limned iti asideg ti Pomeroon River.
Sigun kadagiti otoridad, naispal ti agarup 67 a tattao a pakairamanan dagiti sumagmamano nga ubbing.
Iti agdama, agtaltalinaed iti baybay dagiti search team manipud iti Guyana Coast Guard, Defence Force ken pribado a barko para iti pannakabiruk dagiti dadduma a biktima.
Sigun pay kadagiti otoridad, naipaayan iti medical treatment dagiti naispal a pasahero bayat a naisagana dagiti emergency shelter para kadagiti apektado a pamilia.
Mangrugi ti pormal nga imbestigasion kalpasan ti manarimaan a rescue operation.