Balligi a naipatungpal ti Search for the Heaviest and Sweetest Strawberry idi kalman a paset paylaeng iti manarimaan a 2025 Strawberry Festival iti La Trinidad, Benguet.
Ti nasao a contest ket adaan iti dua a category, ti sweet charlie category ken other variety category.
Para iti sweetest under sweet charlie category, pinasetan daytoy ti 19 nga entries bayat a 15 nga entries ti other variety.
Dagiti nangabak para iti other variety iti heaviest strawberry ket ni Pedro Galacyan nga addaan kadagsen a 42.33 grams bayat a ti winner para iti heaviest sweet charlie ket ni Elvirisa Akelio nga addaan kadagsen a 41.33 .
Para iti sweetest strawberry ti other variety category, ti nangabak ket ni Robert Jan Wallang ken ti sweetest sweet charlie category ket ni Edgar Wallang
Dagiti nangabak ket nakaawat iti P6k bayat a dagiti saan a napagasatan ket nakaawat iti P4k.
Ti Search for the Heaviest and Sweetest Strawberry ket tinawen a maipatpatungpal kagiddan ti tinawen a selebrasyon iti Strawberry Festival iti La Trinidad, Benguet.//Bombo Noveh Organo
