BAGUIO CITY–Inwaragawag ni Baguio City Mayor Benjamin Magalong nga adda itan ti siyudad ti Baguio iti second wave iti COVID-19 infection.
Sigun kenkuana, nagleppas ti umuna a wave ti COVID-19 infection idi napalabas a bulan no sadino narikna met ti second wave dua a lawasen ti napalabas.
Gapu iti daytoy, iningetan ti lokal a gobierno ti Baguio City kadagiti wagas nga ar-aramiden dagitoy kas iti testing ken dadduma pay.
Kinunana pay a nasken a maimanehar a nasayaat dagiti test kits gaputa agingga ita agdama ket awan paylaeng ti naduktalan dagiti otoridad nga agas kontra iti sakit.
Impetteng ni Magalong a saan nga agleppas ti laban ti lokal a gobierno ti Baguio City iti COVID-19 no saan nga agsubli iti normal dagiti pagtataudan dagiti pasyente iti COVID-19.
Kinunana nga agingga mapaksiat ti COVID-19 iti nagduduma a lugar ket sadiay laeng a agsubli ti normal ti pagilian a Pilipinas.
Kabayatanna, impanam-nama ni Mayor Magalong nga umdas ti bilang dagiti ti quarantine facilities ditoy siyudad kaggidan iti panagngato ti kaso ti covid-19.
Kinunana napunnon dagiti quarantine beds sadiay Sto. Niño gaputa agtultuloy latta iti pannaka-upgrade daytoy nu sadinu addaan daytoyen iti 90 bed capacities manipud iti 45 bed capacities.
Kinunana nga isagsaganadan iti maysa pay a quarantine facility sadiay Tuba, Benguet nu sadinu addaan daytoy iti 29 bed capacity malaksid pay ti quarantine facility sadiay Teachers Camp nga addaan iti 129 bed capacity.
