Manarimaan ti imbestigasyon iti napasamak a maatap a panangibawal ti maysa a security guard ti sunshine park iti panag-ensayo dagiti sumagmamano a grupo wenno estudyante a nagturung sadiay itay nabiit.
Sigun iti dadaulo ti CEPMO a ni Atty. Rhenan Diwas, nakaawat daytoy ti report manipud iti social media no sadinno maysa a grupo ti nagturung iti sunshine park para iti aktibidad dagitoy ngem maatap a maysa a guardia ti immasideg kadakuada ken imparitna ti inyaman nga actibidad nga aramidenda sadiay.
Iti social media post ti complainant, adda ti napansinda a sabali a grupo a napan iti area a naggapuan dagitoy a pinagbawalan metlaeng ti guardia nga agpracticeda sadiay.
Impanamnama met ditoy ni Diwas a maimbestigaran a nasaayat ti napasamak.
Sigun pay kenkuana, pina-ayabandan ti security agency ken ur-urayenda ti explanation dagitoy.
Inlawlawagna nga awan ti mandato dagitoy nga ibawal ti panagpractice sadiay.
Innayunna pay a na-rehabilitate ti nasao a parke gapu kadagiti estudiante, ubbing, youths ken publiko a pag-ensayuan, wellness area ken dadduma pay.
Impeksana met a saanna a naimagine nga adda ti kastuy a mapasamak.
Agkidkiddaw met daytoy ti pammakawan kadagiti grupo a napagbawalan dagiti security guards
Kabayatanna, impeksa ni Atty. Diwas a ti rules and regulations laeng iti nasao a parke ket ti umno a panagbasura ken ti panagaramat ti stage no sadinno, posible a maimplementar ti first come first serve basis ngem addaan ti limit of time tapnu maikkan amin ti gundaway dagiti grupo a makausar ti stage ken maliklikan ti panaga-apa.
Ngem immunan nga impetteng daytoy a libre ti panagaramat iti nasao a parke.
Iti sabali a bangir, inlawlawag metlaeng ti opisyal nga awan metlaeng ti agbalin a entrance fee iti Burnham lake apaman a malpas daytoy.//Bombo Noveh Organo
