BAGUIO CITY – Naballigi dagiti security plans ken traffic schemes nga impatungpal ti Baguio City Police Office iti graduation ceremony ti Philippine Military Academy “Bagong Sinag” Class of 2024 idi Mayo dise otso.
Daytoy ket gapu ta awan ti nailista nga aniaman a kita ti krimen wenno insidente.
Daytoy ket resulta ti nainget a panagsagana dagiti kameng ti pulisya kadua-da dagiti lokal ken national nga ahensiya iti gobyerno.
Malaksid iti dayta, dagus a naimanehar ti dua a traffic accidents babaen iti panangidaulo ken gannuat dagiti naideploy a Traffic Enforcememt Unit personnel a nangpatalinaed iti naannayas, naurnos a taray ti trapiko iti kalkalsada iti siudad.
Kabayatanna, karaman ti Quick Response Team (QRT) ken Civil Disturbance Management (CDM), Bureau of Fire Protection – Cordillera, City Disaster Risk
Reduction and Management Office (CDRRMO), ken ti Local Government Unit (LGU) of Baguio iti adda iti likodan ti naballigi a seremonya.//Bombo Jez Lapizar
