BAGUIO CITY – Guyguyuguyen ti City Veterinary and Agriculture Office (CVAO) iti publiko a makipaset iti Baguio Coffee and Rabbit Food Fest’ a manarimaan sadiay Igorot Garden.
Sigun ken CVAO head Dr. Silardo Bested, panggep ti aktibidad maitandudo ti Baguio Arabica coffee ken karne iti rabbit.
Nangrugi daytoy idi Biernes, Mayo 27 aginggana Hunyo 3, 2022, manipod alas sais ti agsapa agingga alas siete ti malem.
Innayonna pay a ti food festival ket paset iti panangrambak ti syudad iti Urban Farmers and Fisherfolk’s Month
Kabayatanna, inlawlawag ni CVAO Agriculturist I Vincent Aaron Chacapna a libre ti umuneg iti venue ken nawaya ti publiko a gumatang manipod kadagiti dua a local Arabica coffee growers ken uppat a rabbit producers nga immanamong a makipaset iti nadakamat a festival.
