Agsagsaganan ti siudad ti Baguio para iti manamnama a Family Month inton bulan ti Setyembre.
Iti panakiuman ti Bombo Radyo kenni Councilor Elmer Datuin, Chairman ti Committee on Social Services, Women and Urban Poor, kinunana a nasapa ti panagsagana dagitoy para iti Family Month gapu ta panggepda a papigsaen pay ti tunggal pamilya, ti maibilbilang kas social institusyon iti komunidad.
Sigun kenni Datuin, dakkel ken napateg ti akem ti tunggal pamilya iti komunidad kasta met iti siudad ti Baguio nu sadino nasken a maitandudo pay ti panagkaykaysa ken closeness dagitoy.
Iti nasao a selebrasyon ket manamnama a maipatungpal ti mass wedding, kainang pamilya wenno ti panagsasango ti pamilya iti pinanganda kasta met a maisayangkat dagiti nagduduma a programa maipapan iti family relations, dagiti responsibilidad dagitoy ken daduma pay.
Kabayatanna, impeksa ni Datuin a saan a solusyon ti diborsyo iti mapaspasamak iti pamilya nangruna ta adu a linteg ti mabalin a maaramat kas solusyon dagiti nasao a pakaseknan nu sadino karamanen ditoy ti annulment.//Bombo Mera Pacpacan
