“Character formation is a responsibility of a family- of the parents first of all”
Imbinglay ni Atty. Betty Lourdes Tabanda, Baguio City Councilor a napateg ti panangselebrar iti Family Week.
Iti pannakiuman ti Bombo Radyo kenkuana, imbinglayna a nasayaat ti tema ti Family Week ita a tawen a ” Families, Equality and Well Being” no sadino maitantandudo ti equality iti uneg ti pagtaengan pakairaman iti agasawa ken kadagiti annakda nangnangruna iti karbenganda ken kadagiti obligasyon iti uneg ti pagtaengan.
Sigun keni Councilor Tabanda, babaen iti panangselebrar iti Family Week, adadda a mapabileg dagiti nagganak nga agbalin a nasaysayaat a parentes kadagito annakda.
Imbinglay pay ti opisyal a maysa kadagiti major activity iti nasao a selebrasyon, ket ti napasamak nga Empowerment Seminar para kadagiti amma tapno makatulong iti panagbalinda a nasayaat nga ama ken asawa iti uneg ti pagtaengan.
Maysa pay kadagiti impetteng ni Councilor Tabanda seknan iti nasao a selebrasyon ket ti panangipaay iti oras dagiti nagganak kadagiti annakda uray iti limitado laeng nga oras.
Sigun iti opisyal, nadakamat metlaeng ngamin iti tema ti maipanggep iti well being dagiti ubbing isu’t gapunna a napateg metlaeng ti bonding iti uneg ti pagtaengan tapno maikan ti gundaway dagiti annak a mangiyebkas met kadagiti kapanunotanda ken maibinglayda dagiti marikriknada.
Adda metlaeng ti Parenting Seminar no sadino mataltalantan ti maipanggep iti positive disciplining.
Ti bulan ti Setiembre ti National Family Month celebration . Addaan daytoy iti tema ita a tawen a ” Families, Equality and Well Being”.
Immunan a narugian dagiti aktibidad para iti selebrasyon idi Setiembre 7. Maipatungpal met dagiti dadduma pay nga aktibidad agingga iti ngudo iti agdama a bulan. //kcs//
