--Ads--
Nangipila ti kandidatura ti self-proclaimed Son of God a ni Apollo Quiboloy iti kinasenador para iti masungad a 2025 nasional ken lokal eleksion, nga iti agdama ket nakabalud gapu iti sumagmamano a kasona.
Kinumpirmar daytoy ni Commission on Elections (Comelec) chairman George Garcia.
Sigun kenni Garcia, nangipila ni Quiboloy babaen ti abogadona a ni Atty Mark Tolentino.
Inlawlawag ni Garcia a ti wagas ket babaen ti ‘Special Power of Attorney’.
Karaman kadagiti kaso a sangsanguen ni Quiboloy ti maipagarup a panaglabsing iti Special Protection of Children Against Abuse, Exploitation, and Discrimination Act ken qualified human trafficking charges.
