Kidkidawen ti Senate minority bloc ti panaglusulos ni Senator Alan Peter Cayetano kas Senate President.
Sigun iti minoria, rumbeng nga aglusulos iti pwesto ni Cayetano gaputa saanna a kabaelan nga aramiden ti pagrebbenganna kas dadaulo ti Senado.
Daytoy ket kasaruno ti panaglangan manen dagiti majority bloc iti session ita nga aldaw, June 02, 2026.
Inyunay-unay ti minoria a lablabsingen ni Sen. Cayetano ti Senate Rules 14 Section 41 a mangibagbaga a ti Senate President ket mabalinna laeng nga i-adjourn wenno suspenderen ti session kalpasan ti konsultasion iti Majority leader ken Minority Leader, banag a saan nga inaramid ni Sen. Cayetano.
Sigun pay iti minoria, nalawag a ti inaramid ni Cayetano ket panangabandona iti responsibilidad, pagrebbengan ken nalawag a saan a panangikankano kadagiti pagannurotan a mangiturturay iti institusion.