Impeksa ti Malacañang a kamaten dagiti otoridad ni Senator Ronald “Bato” dela Rosa no saan a boluntaryo a sumuko kadagiti naituding a pawayway.
Sigun kenni Palce Press Office Usec. Claire Castro, panggep ti naipaay a pawayway a maipaayan ti senador iti gundaway a boluntaryo ken natalna a sumuko.
Impetteng ni Castro a saan a sumardeng dagiti otoridad iti panangbiruk kenni Dela Rosa iti kanito nga agkedked nga agtumpal iti linteg.
Innayon daytoy a kas sigud a miembro ti Philippine National Police ken agdama a senador, rumbeng a ni Dela Rosa ti umuna a mangipakita iti panagrespeto ken panangtumpal iti linteg.
Impeksa ni Castro a saan a rumbeng nga agbalin ni Dela Rosa nga inspirasyon kadagiti dadduma pay nga indibidual nga addaan iti sangsangwen a warrant of arrest tapno aglemmeng ibes a sangwen dagitoy ti proseso ti linteg.//
