Kinuwestionaran ni Senador Bong Go ti timing ti pannakaipaulog ti warrant of arrest kontra kenni Vice President Sara Duterte seknan iti kaso a grave threats.
Sigun kenni Go, apay nga ita laeng a naipaulog ti warrant iti baet a nabayag a napasamak ti insidente a nagramutan ti kaso.
Dinakamat metlaeng ti Senador a kagiddan ti pannakaipaulog ti warrant ti manarimaan nga impeachment trial ni Duterte iti Senado.
Nagtaud dagiti kaso iti panagpangta ni Duterte idi Nobyembre 2024 nga adda ti nakasaritanna a mangpapatay kenni Ferdinand Marcos Jr., First Lady Liza Araneta-Marcos, ken sigud a House Speaker Martin Romualdez iti kanito a mapapatay daytoy.
Gapu iti dayta, nangisayangkat ti Department of Justice iti imbestigasyon agingga a naipila ti tallo a kaso ti grave threats kontra iti Bise Presidente.
Idi Agosto, inrekomendar dagiti piskal ti piyansa a P120,000 para iti tunggal kaso ni Vice President Duterte.