Kinarit ni Senator Panfilo “Ping” Lacson ni Senate Minority Leader Alan Peter Cayetano nga inagananna dagiti indibidual nga atapenna a makaaw-awat iti pangta mainaig iti isyu ti Taguig infrastructure nga immun-una nga imbutaktak daytoy.
Iti livestream ni Senator Cayetano idi Sabado, kinunana a nakaawat daytoy iti “feelers” a sumagmamano a partido ti gipgipiten ni Senator Lacson.
Sinungbatan ken inawagan met ni Senator Lacson a “tale spin” ti alegasyon ni Senator Cayetano.
Sigun kenni Lacson, inaganan ni Cayetano dagiti indibidual a maatap a pinangtaanna tapno risutenna a nasayaat ti nasao a pakaseknan.
Iti agdama, kinuna ni Lacson nga agarup 45 a case studies ti “systematic anomalies” kadagiti flood control projects sadiay Taguig a pagaammo a balwarte dagiti Cayetano.
Naisubmitir daytoy iti Office of the Ombudsman a nangparigta iti panangrugi ti fact-finding investigation.
