Nagkadua nga immikkat iti Senate Coumpound da Senador Ronald “Bato” dela Rosa ken Senador Robinhood Padilla kalpasan ti nagsasaruno a putukan iti maikadua a kadsaaran ti pasdek idi rabii ti Mierkoles, Mayo 13.
Sigun kenni Senate Sergeant-at-Arms Mao Aplasca, makita iti CCTV footage ken iti report ti Senate security a magmagna laeng dagiti dua a senador, paturong iti lugan ni Sen. Padilla.
Innayon ni Aplasca a saan nga inlimed dagiti senador ti panagikkat dagitoy.
Nupay kasta, mangisayangkat ti Senate Sergeant-at-Arms ti imbestigasyon no apay a saanda a kinasarita wenno pinasardeng dagiti naituding a security personnel.
Kabayatanna, nakasarita ni Senate President Alan Peter Cayetano ti asawa ni Sen. dela Rosa nga agkidkiddaw iti dipensar gapu iti gulo a napasamak iti Senado.
Sigun iti asawa ni Dela Rosa, immikkat ti Senador gapu iti butengna nga agpeggad ti biag dagiti kakaduana ken dagiti empleado no agtalinaed iti pasdek.
Innayonna a posible a ginundawayan ni Dela Rosa ti riribuk ken putukan tapno makaruar.
Iti agdama, awan ti impormasyon ni Cayetano iti lokasion ni Dela Rosa, ngem agtultuloy ti panangikararagda iti kinatalged ti Senador.