Imbinglay ni Senate Impeachment Court Presiding Officer Sen. Francis Escudero nga awan ti panggepna nga awaten ti posisyon a bise president iti kanito a maideklara a guilty iti impeachment trial ni Vice President Sara Duterte.
Sigun kenni Sen. Escudero, maaddaan iti Conflict of Interetst nu awatenna ti posisyon kalpasan a makipaset daytoy kadagiti senator-judges iti panagdesisyon iti mannarimaan nga impeachment case kontra iti bise presidente.
Maipalagip a sigun iti konstitusyon, apaman a mabakante ti posisyon ti bise presidente, mabalin a mangdutok ti presidente iti sumukat manipud kadagiti miyembro ti senado ken House of Representatives, kas maitunos iti kasapulan a proseso ken panangaprobar iti kongreso.
Kabayatanna, impeksa ni Escudero nga agtaltalinaed daytoy a patas iti panagdengngeg iti impeachment case. Inyunay-unayna a rumbeng a maibasar iti ebidensya ti agbalin a desisyon daytoy seknan iti nasao a kaso.
Agtuloy met ti panagdengngeg iti impeachment case inton Nobyembre 9, 2026.
