Binisita ni Senator Robin Padilla kenni Senator Rodante Marcoleta iti Philippine National Police General Hospital idi Huebes, July 09, 2026.
Simangpet ni Padilla iti ospital, pasado 2:00 p.m.
Maipalagip a nagpaipasidong ni Marcoleta iti laboratory test tapno maamuan no nasayaat ti kasasaad ti pisikal a bagi daytoy sakbay a maiyakar iti pagbaludan.
Maibasar iti kaudian a laboratory test ni Marcoleta, nangato ti lebel ti “Bad cholesterol” daytoy.
Sigun kenni Police Lieutenant Colonel Benaly Bayani, Internal Medicine Department chief ti ospital, nasaysayaat a maisina ti Marcoleta kadagiti dadduma a pasiente agsipudta a matamtaming metlaeng daytoy gapu iti mild pneumonia.
Innayon ni Bayani a maur-uray paylaeng ti resulta ti 2D echo test ti senador a pakakitaan iti kasasaad ti puso daytoy.
Malaksid iti mild pneumonia, na-diagnose metlaeng ti Senador iti cervical spine.
Sumangsango ni Marcoleta iti kaso a plunder mainaig iti P75 million a donasyon nga inawatna a saan a naideklara iti Statement of Assets, Liabilities, and Net Worth (SALN) daytoy idi 2025 elections.