Binabalaw ni Senator Robin Padilla dagiti sumagmamano a politiko a sigud a natured ngem ita ket maatap a nagulimekda iti tengnga dagiti isyu a sangsanguen ti pagilian.
Daytoy ti kinuna ti senador iti panagleppas ti tallo nga aldaw a peace rally nga insayangkat ti Iglesia ni Cristo (INC) iti Liwasang Bonifacio sadiay Manila idi Huebes, Hulio 2.
Iti panagbitla ti Senador, dinamagna no apay a maatap a saan nga agsasao dagiti dadduma a Pilipino iti laksid dagiti parikut a sangsangwen ti pagilian.
“Marami sa ating mga kababayan, hindi ko alam… sila’y gising, sila nama’y hirap din, hindi ko alam kung bakit hindi sila nagrereklamo—nabigyan ba ng maleta?” sigun kenni Padilla.
Pinasagidanna metlaeng dagiti dadduma a politiko.
“Ang dami nating politiko na dati ay matatapang. Matatapang sila pero nakalimutan nila to! Nasaan na to? Nasaan?” – Padilla.