--Ads--
Agsagsaganan ti Senado para iti panakaituloy ti imbestigasyon kadagiti naanomalyaan a flood control projects iti pagilian inton bigat, January 19.
Manamnama a mangrugi ti panagdengngeg iti ala una iti malem ti nasao nga adaw.
Sigun kenni Senate President Vicente Sotto III, kiniddawnan iti Department of Public Works and Highways (DPWH) dagiti sumagmamano nga opisyal ken napapateg a dokumento a mabalin a makatulong iti naan-anay nga imbestigasyon.
Daytoy ket paset tui tarigagay ti nasao a komite nga urnungen dagiti amin a dokumento nga adda ti pakainaiganna iti naanomalyaan a flood control projects pakairamananen ti maaw-awagan a Cabral Files.
