Mangisayangkat ti Senate basic education committee ti panagdengngeg kadagiti polisia ken addang ti Department of Education kontra iti bullying iti baet ti kaudian a kaso iti maysa a pagadalan idiay Quezon City a nag-viral iti social media.
Sigun kenni Senador Sherwin Gatchalian, chairman iti panel, maangay ita nga aldaw ti panagdengngeg nga agpokus kadagiti polisiya.
Napaliiw ti mammanday-linteg a dagiti kaso ti bullying iti agdama ket ket “ad-adda a naranggas.”
Iti kaudian a napasamak nga insidente iti Bagong Silangan High School, kinuna ni Gatchalian a kurang ti agdama a polisia, partikular ti addang a mangimandato iti maysa a guidance teacher a tumulong iti biktima, ti nagannakna, ken iti panangireportna.
Ti panangimuntar ti CCTV iti uneg ti pagadalan tapno maliklikan ti “bullying” ket maikonkonsidera iti panagdengngeg.
