Inwaragawag ni Ombudsman Jesus Crispin Remulla a nagkedked ti Senado nga umawat iti subpoena a naipaulog.
Daytoy ket para iti CCTV footage iti napasamak a pammaltog iti senado idi Mierkoles, May 13, 2026.
Sigun kenni Remulla, naaddaanda iti parikut kalpasan a nagkedked ti Senado nga awaten ti process server.
Sigun pay kenni Remulla, saanna a maawatan ti Senado gapu iti saanda a panangawat iti subpoena iti baet a naipaayanda iti notice.
Maipalagip a sinuspinder ti Ombudsman Senate Sergeant-at-Arms Mao Aplasca iti innem a bulan nga awanan iti sweldo.
Daytoy ket kalpasan nga inaklunna a daytoy ti immuna a nangisayangkat iti fire warning kontra kadagiti agents ti National Bureau of Investigation (NBI).
Sigun kenni Remulla, kasapulan a masuspinder ni Aplasca tapno saan a maimpluwensiaan ti imbestigasion ti Ombudsman iti nasao nga insidente.
