Panggep ti senado a kisayan ti P2B a singasing a badyet ti Senado para iti tawen 2027, kasaruno iti saritaan da Senate Committee on Accounts Chairperson Ping Lacson ken Senate President Sherwin Gatchalian nga ingetan ti panaggastos ti senado.
Manipud iti gakat a P7.7 Billion iti sidung ti National Expenditure Program, panggep ti senado nga ibaba daytoy iti P5.7 Billion kas panangipakita iti disiplinado ken responsable a panagaramat iti pondo ti pagilian.
Mangnamnama met ni Lacson nga agserbi daytoy kas pagwadan iti House of Representative no sadino ginuyugoyna a mangipatungpalda metlaeng iti kapada nga addang iti tengnga ti kiddaw iti naing-inget a panangtingiting iti national budget.
Naituding a mangisayangkat iti public hearing ti Senate Committee on Finance kadua dagiti mangibagbagi iti civil society organizations (CSOs) inton Lunes, Oktobre 26, tapno talantanen dagiti posible a reporma iti panangi-budget para iti 2027 national budget.
Manamnama met nga agserbi a gundaway ti nasao a panagdengnge tapno maipila dagiti organisasyon ti rekomendasyon dagiti seknan iti singasing a 2027 national budget.
Sigun iti singasing a sistema ti senado, napateg a maipaayan ti publiko iti access kadagiti dokumento ken impormasyon seknan kadagiti alokasyon tapno masubaybayan no kasano a mapagsasaritaan ken madesisyonan ti panagaramat ti pondo ti gobyerno.
Karaman kadagiti isyu a manamnama a mapagsasaritaan ti maipanggep iti kuwestionable nga alokasyon ken dadduma pay.
