Impeksa ni Senate President Francis “Chiz” Escudero ken Senator Loren Legarda ita nga aldaw ti suportada ti posible a pannakaipawil ti iligal Philippine Offshore Gaming Operators (POGOs).
Kasaruno ti kinuna ni Defense Secretary Gilberto Teodoro Jr. a dagiti “criminal syndicates” nga agpammarang a sentro ti POGO ket “national security concern” wenno nasional a pakaseknan nu sadinno, kasapulan a maisardeng ti aktibidad ken operasion dagitoy iti Pilipinas.
Maipalagip nga idi Marso, naispal dagiti nasurok walo gasut a Pilipino ken ganganaet iti kadakkelan a POGO hub idiay Bamban, Tarlac gapu kadagiti maipagarup nga iligal nga aktibidad pakairaman ti crypto ken love scams.
Idi napalabas a lawas, sinnerrek dagiti otoridad ti maysa pay a POGO hub idiay Porac, Pampanga ken naispal ti sangagasut lima pulo ket walo a Chinese, Vietnamese, ken Malaysian nationals.