Impeksa ti maysa a kameng ti Movement of Concerned Citizens for Civil Liberties (MCCCL) a rumbeng nga i-recuse ni Senador Robin Padilla ken sumagmamano pay a senador iti impeachment trial ni Vice President Sara Duterte.
Sigun iti pannakangiwat ti Movement of Concerned Citizens for Civil Liberties (MCCCL) a ni Atty. Jojo Lacanilao, kasapulan nga umikkatda iti impeachment trial ti Bise President gaputa agar-aramiddan ti desision a saanda pay a nakitkita ti opisial a dokumento, ken dagiti ebidensia.
Idi bulan ti Enero, inyebkas ni Senador Padilla nga agbotos daytoy iti “no” iti impeachment ni Vice Presidet Duterte.
Para kenni Lacanilao, panaglabsing iti 1987 Constitution ti desisionna a saanna pay a nakitkita ti ebidensia.
Iti agdama, awan pay ti komento ni Senador Padilla seknan iti kinuna ni Lacanilao.
