Impetteng ni Senate President Sherwin Gatchalian a mabalin latta a makipaset ni Senador Rodante Marcoleta iti impeachment trial ni Vice President Sara Duterte intun Lunes, Hulio 6, 2026.
Sigun kenni SP Gathalian, agtaltalinaed paylang a senador ni Marcoleta gaputa awan paylaeng ti pinal a pangngeddeng ti Sandiganbayan no maipaulog ti arrest warrant kontra iti senador.
Kabayatanna, impaganetget ni Gatchalian a saanda a mabalin nga un-unaan ti pangngedeng ti Sandiganbayan maipapan iti pannakaipaulog ti arrest warrant.
Daytoy ti sungbat ni Gatchalian kalpasan a nadamag mainaig iti posible a pannakaipaulog ti warrant kontra kenni Marcoleta.
Sigun pay iti presidente ti Senado, adda ti gundaway ni Marcoleta a mangipaay iti depensa ken agpammalawag sakbay nga agdesisyon ti korte.
Maipalagip a pormal nga insubmitir ti Office of the Ombudsman ti plunder charges kontra kenni Marcoleta idi Biernes, Hulio 3.
Daytoy ket gapu iti P75 million a donasyon a saan a naideklara kas campaign donations iti Statement of Contributions and Expenditures (SOCE) daytoy iti 2025 senatorial campaign.
