Impasigurado ni Senador Ronald “Bato” dela Rosa iti publiko nga agtalinaed nga “objective” iti impeachment trial ni Vice President Sara Duterte iti kanito a makadanon iti Senado.
Patien ti senador a rumuar ti “political color” ti tunggal opisial ti gobierno iti proseso ti impeachment.
Ti proseso ti impeachment iti Pilipinas, agserbi dagiti senador kas hues bayat ti “trial.”
Ti pannakakonbiktar ti opisial ti gobierno ket kasapulan ti “two-thirds vote” ti Senado.
Kabayatanna, ni Senador Dela Rosa ket pagaamo nga kaalyado ti pamilia Duterte, ken mamati a ti impeachment complaints kontra kenni Vice President ket agdur-as iti Senado ken kinunana naiplano a nasayaat ti nasao a reklamo.
Dinakamat ti nasao nga opisial nga uray no marisut ni Vice President Duterte ti pakaseknan mainaig iti panagaramat ti opisinana iti confidential funds, posible a saan a maliklikan ti panggepda nga impeachment complaint.
