Posible nga agay-ayam iti golf ni Senador Ronald “Bato” dela Rosa iti siudad ti Baguio.
Daytoy ket kalpasan nga inyebkasna ti panggepna a maki-ay-ayam babaen iti surat.
Nakalanad iti surat ni Senador Bato kenni Senate President Vicente “Tito” Sotto III nu sadinno agkidkiddaw daytoy iti permiso a maaramat ti Senate Mansion manipod Marso 26-29, 2026.
Iti surat a nakabilan iti Marso 12 a pinirmaan ni Dela Rosa, nakalanad a ti mansion ket maaramat laeng a mangakomodar iti undersigned’s family bayat iti CSAFP Cup 2026 iti siudad ti Baguio.
Numan pay nakakabil iti surat a ti pamilia iti senador ti mangaramat iti Senate Mansion, adda ti pagalagadan ti Senado a saan a mabalin nga aramaten ti mansion nu saan a kadua ti nagkiddaw a senador.
Nupay kasta, posible a saan a mapatgan ti kiddaw ni Senador Bato, babaen kenni Senate Secretary Mark Llandro Mendoza, gaputa manarimaan ti renovation paylaeng ti mansion.
Maipalagip a nangrugi a saan a simrek iti Senador ni Senador Bato kalpasan nga impakaamo ni Ombudsman Jesus Crispin “Boying” Remulla idi Nobiembre 2025 nga addaan daytoy iti kopia iti arrest warrant iti International Criminal Court (ICC) kontra iti senador.
Ni Dela Rosa ket nadakamat kas co-conspirator iti kaso nga crimes against humanity ni sigud a President Rodrigo Roa Duterte iti ICC. Nupay kasta, awan pay ti nairuar a kopia iti arrest warrant kontra kenni Dela Rosa.
