Impasigurado ni Senate ways and means committee chairperson Sherwin Gatchalian a lapdanna ti wagas a mangkessay ti excise tax kadagiti sigarilio gaputa patienna a saan a marisut ti cigarette smuggling a pakaseknan ti pagilian.
Daytoy ti posision ni Gatchalian bayat ti committee deliberations ti House Bill 11360, a mangkessay ti excise tax para kadagiti sigarilio, tabako, “heated” tabako ken vapor (e-cigarette/vape).
Iti sidong ti gakat, ti agdama nga excise tax rate ti P66.15 tunggal pakete ti sigarilio ket maipangato iti 2% iti tunggal even-numbered year nga epektibo inton Enero 1, 2026 ken 4% tunggal odd-numbered year, nga epektibo inton Enero 1, 2027 agingga Desiembre 31, 20235.
Imbes a kissayan ti buis iti sigarilio, kinuna ni Gatchalian a kasapulan ti “resources” tapno mapapigsa dagiti anti-smuggling team dagiti nagduduma nga ahensia ti gobierno.
Inlawlawagna nga ummanamong iti House Bill 11360 la ketdi ti wagas ket saan a karaman ti probision a mapababa ti buis kadagiti sigarilio.
