--Ads--

Kinumpirmar ni Senator Tito Sotto, mangidadaulo iti senate ethic committe a nangiparuwar dagitoyen iti transmittal letter kenni Senator Bato dela Rosa seknan iti reklamo nga insumitir ti grupo a Wag Kang KuCorrupt.


Sigun iti transmittal, naipila ti nasao a reklamo idi Pebrero 25 ngem naisubli daytoy kalpasan nga impeksa ti panel a saan daytoy a nagcomply iti pagalagadan.


Nupay kasta, naisubli manen daytoy iti nasao a komite idi Setyembre 14.


Gapu iti daytoy, ginuyugoy ti senate committee ni Sen. Dela Rosa a sanguenna ti nasao a reklamo.


Naipaay metlaeng ti 15 nga aldaw iti nasao a senador tapno mangisumitir iti komento ken sungbat seknan iti nasao nga issue.


Maipalagip a naudi a naimatangan ti senador iti uneg ti senado idi Mayo 14 kalpasan iti senate shooting incident.


Naipataw met ti P50 million a pabuya iti asinoman a makaitudo ti ayan ti senador a mangitunda iti pannakaarestarna.


Sigun iti nasao a grupo, ti saan a panagparang ti Sen. Bato iti senado ket maysa a dereliction of duty ken grave abuse of privilege.