Nangiruaren ti Senate Impeachment court iti baro a subpoena para iti dua a sigud a branch manager ti Land Bank of the Philippines tapno sumango dagitoy kas testigo iti agtultuloy nga impeachment trial ni VP Sara Duterte inton Miyerkules, Hulyo 29.
Daytoy ket maipanggep iti Article I ti Articles of Impeachment seknan iti maatap a saan a nasayaat a panangaramat ni VP Sara Duterte iti pababuklan a gatad a P612.5 million a confidential funds-pakairamanan ti P500 million manipud iti Office of the Vice President ken P112.5 million manipud iti Department of Education.
Sigun kenni House Lead Prosecutor Gerville Luistro, ni Constantino ti umuna a sumango kas testigo ken sarunoen met daytoy ni Camposano.
Maipalagip nga itay kanikadua, inbabawi ti korte ti umuna a subpoena para iti dua a sigud nga empleyado ti LandBank bayat iti panagtuloy ti cross examination kenni kay National Bureau of Investigation (NBI) Director Melvin Matibag idi kalman.
Agtuloy met ti trial inton Hulyo 29 iti alas-dyes ti agsapa kalpasan iti maika-lima a State of the Nation Address (SONA) ni President Ferdinand Marcos Jr. inton Hulyo 27 ken ti “Kontra-SONA” dagiti senate minority iti kabigatanna. //bombokaren.c.sapirao
