Naglawlawag ti Senate impeachment court ti agwarwaras a ladawan iti social media no sadino makita ti hostile witness a ni Lemuel Ortonio nga ada aramatna nga earpiece bayat iti panagtestigo daytoy.
Bayat iti panagrugi ti impeachment trial ita nga aldaw, inlawlawag ni Presiding Officer Chiz Escudero a ti nasao a ladawan ket maysa a AI-generated image.
Sigun kenni Senator Escudero, saan nga earpiece ti adda iti lapayag ni Ortonio nu di ket maysa a front fold helix.
Maipalagip a nagtestigo ni Ortonio idi napalabas a lawas kas hostile witness iti Article 1 ti Articles of Impeachment kontra kenni Vice President Sara Duterte.
Kagidan dayta, nagpallagip ni Presiding Officer Escudero a kasapulan nga agtestigo dagiti witness iti bukodda, nga awan iti coaching wenno impluwensya manipud iti counsel wenno asinoman.