Silulukat ti Senate premises para kadagiti Pilipino a mangkayat nga agbuya iti live nga impeachment trial ni Vice President Sara Duterte intun July 6, 2026.
Sigun kenni Senate Secretary Renato Bantug Jr., mailatang ti sumagmamano a tugawan para kadagiti agbuya.
Mabalin ti walk-in ngem kasapulan nga agrehistro dagitoy iti Visitor Management ti Senado.
Malaksid iti dayta, mabalin metlaeng ti reservation iti online.
Nupay kasta, limitado ti kapasidad ti tugawan iti main plenary hall ti Senado a pakaangayan ti nasao nga impeachment trial.
Mailatang laeng ti 340 iti gallery ken 30 iti VIP box.
Kabayatanna, manamnama a maipabuya ti trial iti sumagmamano a telebesion ken online streaming platforms.