Kinnidaw ni Senate President Alan Peter Cayetano iti Office of the Ombudsman ti pannakasuspindir metlaeng ni National Bureau of Investigation (NBI) Director Melvin Matibag gapu iti napasamak a shooting incident iti uneg ti senate building itay kanikadua.
Kinnidaw daytoy ti senate president kalpasan nga inyanunsyo ni Ombudsman Jesus Crispin Remulla a maipasidung iti innem a bulan a preventive suspensions ti Acting Senate Sergeant-at-Arms a ni Mao Aplasa kalpasan nga innaklon daytoy ti panangpaputokna iti warning shot kadagiti NBI agents.
“Let me just appeal to the Ombudsman, suspend also the NBI Director because he is more a suspect than General Mao [Aplasca],” sigun kenni Senate President Cayetano.
Innayon pay daytoy a patienna nga agul-ulbod ni Matibag kadagiti ipakpakaammona nga impormasyon kenni President Ferdinand “Bongbong” Marcos, Jr.
“Sunod-sunod na po ang kasinungalingan ni Matibag. I believe he’s lying to the President,” innayon ni SP Cayetano.
Immunan nga impakammo ti Malacanang a ni Aplasca ti immuna a nagpaputok ii “warning shot” iti napasamak a shooting incident iti uneg ti senate building itay kanikadua, a kinumpirmar metlaeng ti nasao nga opisyal. //bombokaren.c.s