Silulukat ni Senate President Francis “Chiz” Escudero a mapagtalantanan ti maipapan iti singasing a panakaingato ti sueldo dagiti mangmanged iti pampribado a sektor.
Sigun kenni Escudero, sisusuporta daytoy iti panakaingato ti sueldo dagiti mangmangged iti pampribado a sektor iti P100.
Maipalagip nga idi Pebrero iti agdama a tawen ket naaprobaran iti maikatlo ken pinal a panakaibasa ti Senate Bill 2534 wenno ti “P100 daily minimum wage increase act of 2023” babaen iti leadership ni Senator Juan Miguel Zubiri.
Kinuna ni Escudero a maysa daytoy kadagiti senador a pimmabor iti nasao a bill kasta met nga awan panggepna a sukatan ti desisyonna kalpasan ti panagtugawna kas Senate President.
Kabayatanna, impakaamo ti senador a posible a maangay ti maysa a meeting kadagiti stakeholders gapu ta naduktalanna a ti P35 a panakaingato ti sueldo nga inaprobaran ti Regional Tripartite Wages and Productivity Board (RTWPB) para kadagiti mangmangged iti National Capital Region ket saan nga umdas.
Iti sabali a bangir, kiddaw met dagiti sumagmamano a labor groups kenni President Ferdinand Marcos Jr. nga aprobaranna ti P150 wage increase kadagiti mangmangged kadagiti pampribado a sektor.
