Innaklon ni Senate President Pro Tempore Panfilo “Ping Lacson nga adda kasukat iti panangkondenarna kadagiti saan a nainkalintegan a banbanag kagiddan iti panagbara manen ti imbestigasyon ti Senate Blue Ribbon Commitee iti maatap nga naanomalyaan a flood control projects iti pagilian.
Sigun kenni Sen. Lacson, kas chairman ti Blue Ribbon Commitee, adda dagiti gagayyem daytoy nga immadayo ti riknada kenkuana ken addu dagiti nagbalin nga kaapa daytoy a nangrugi laeng kabayatan ti imbestigasyon.
Dinakamatna pay a “Deja Vu” wenno kapada nga sitwasyon met laeng ti napadasanna idi 2003 idi inpila na ti pannakaibasura ti pork barrel system iti privilege speech daytoy nga “Living Without Pork”.
Iti maysa nga statement, dinakamat ni Senator Lacson a posible a personal ken political effect ti kasukatna ti panangawatna nga idauloan ti nasao a komite.
Iti baet dayta, impetteng ti senador nga agtalinaed daytoy a natibker ken ag-focus latta daytoy kadagiti ebidensya ken mandato ti komite nga eg-egamanna. // Bombo Karen Calpoe Sapirao
