Kidkiddawen ni Senate Minority Leader Alan Peter Cayetano iti publiko nga inayun iti kararag kagiddan ti alegasyon kontra kenkuana.
Iti Facebook live ti Senador idi Agosto 01, 2026, impasiguradona a sungbatana amin dagiti alegasyon ken impaganetgetna nga awan ti ghost project sadiay Taguig City a balwarte daytoy.
Kabayatanna, impetteng ni Cayetano nga adda ti politiko a sigud a kayatna ngem ita ket posible a saanen, partikular ni Senator Panfilo “Ping” Lacson.
Nupay kasta, impaganetget ni Cayetano nga adda ti namnama nga agbaliw ken posible a makayatanna manen ni Senator Lacson no agsubli daytoy iti sigud a takderna a makilablaban iti kinapudno.
Nagramot ti word war iti nagbaetan dagiti dua a senador kalpasan nga imbutaktak ni Lacson ti maipagarup nga iregularidad ken “ghost projects” iti flood control sadiay Taguig City, maysa a pagaammo a balwarte dagiti Cayetanos.