Kinumpirmar ni Senator Ronald “Bato” dela Rosa iti phone call interview dagiti media nga adda isuna iti pagilian a Pilipinas.
Innayonna pay a saan daytoy nga aglemlemmeng kasaruno ti mapapati a panangipaulog met ti International Criminal Court iti warrant of arrest kontra kenkuana.
Daytoy ket kalpasan a natiliw ni sigud a President Rodrigo Duterte kalman ken manarimaan ti pannakaibiahe daytoy paturong idiay The Hague, Netherlands nu sadino idiay nga ipatungpal ti International Criminal Court ti hearing iti kaso a sangsangoenna.
Maipalagip a saan a naimatangan ti presensiya ni dela Rosa idi kalman nu sadino ni Senator Bong Go laeng ti nangipapaay ti statementna a maladingetan iti pannakatiliw ni Duterte.